Тимур Дибиров и Алекс Душебаев се најдоа во идеалниот тим на првото коло во Лигата на шампиони. Дибиров и Душебаев, во победата на Вардар во Цеље (27-26) заедно постигнаа 19 голови.
Дибиров во победата во Цеље постигна 11 голови, а Душебаев осум, што им го донесе местото во идеалниот тим на колото. Интересно, иако блескаше во Цеље, место во идеалниот тим нема за вардаровиот голман Арпад Штербик.
Во она што беше најдобро во првото коло, според ЕХФ, место има и за голманот на Металург Дарко Станиќ, тој ја има најдобрата одбрана, додека Дибиров на листата на најубави голови се наоѓа на третото место.
Идеален тим во Лигата на шампиони, 1.коло:
Голман: Оле Еревик (Олборг)
Лево крило: Тимур Дибиров (Вардар)
Лев бек: Момир Илиќ (Веспрем)
Среден бек: Миха Зарабец (Цеље)
Десен бек: Алекс Душебаев (Вардар)
Десно крило: Каспер Ирминг Андерсон (КИФ Колдинг)
Пивот: Јаспер Недезбо (Барселона).
„Макфакс“
