Екипите на Вардар во машка и женска конкуренција имаа успешен викенд во Лигата на Шампиони победувајќи ги своите ривали Загреб односно Турингер. Победите, а пред се добрите игри на „црвено црните“ им донесоа индивидуални признанија речиси во сите избори за најдобрите.
Пивотменот на „вардарки“, Ања Алтхаус го има голот на колото, а Андреа Пенезиќ покрај погодок меѓу најдобрите пет е одбрана за трите ѕвезди кои ја одбележаа третата рунда од главната фаза. Друштво на хрватската ракометарка во изборот за трите ѕвезди и прават Ана Грос од Мец и Жита Жужански од унгарскиот првак.
Ракометарите на Вардар во името на Лука Циндриќ и Арпад Штербик имаат свои преставници во изборот за најдобри голови односно одбрани.
Шпанскиот репрезентативец, Алекс Душебајев се најде во идеалниот тим на колото и го заокружи успешниот викенд на „црвено црните“ фамилија.
Тимот на колото:
Лево крило: Џери Толбринг (Кристијанштад)
Лев бек: Оливер Рабек (Татран Прешов)
Среден бек: Никола Карабатиќ (ПСЖ)
Десен бек: Алекс Душебајев (Вардар)
Десно крило: Богдан Радивојевиќ (Фленсбург)
Пикер: Толга Озбахар (Бешикташ)
Голман: Андреас Паличка (Рајн Некар)
OhridNews
