„Улогата на фаворит во финалето на Вембли би му ја доверил на Баерн“, изјавил поранешниот српски репрезентативец.
Видиќ рекол дека не му било сеедно додека го гледал полуфиналето помеѓу Реал и Борусија, бидејќи бил свесен дека на местото на реал можел да биде неговиот тим.
„Сепак, генерално ние можеме да бидеме задоволни од оваа сезона – ја освоивме шампионската титула што беше приоритет пред почетокот на сезоната. Се надевавме дека можеме повеќе да направиме во Лигата на шампиони и ФА купот, но тоа е фудбалот“, рекол Видиќ.
“Сите честитки за Баерн, играат многу добар фудбал, играат тимски. Тешко е да се игра против нивната брза игра. Борусија на сличен начин играше против Реал, што значи дека постои тренд во германскиот фудбал. Мислам дека треба да го следиме нивниот пример“, дополнил Видиќ.
