Љубе Бошкоски јавно му се извини на премиерот Никола Груевски за изречените клевети и за непријатностите што ги предизвикал со изнесувањето невистини и навреди за време на изборната кампања за предвремените парламентарни избори годинава.

– Јавно се извинувам на Никола Груевски за изречените клевети од моја страна, а кои се предмет на приватна тужба К. бр 1052/11 по која се води постапка пред Основен суд Скопје, како и за сите останати клевети и навреди кои во изминатиот период ги изреков за него, без оглед дали за тоа сум тужен или не, стои во писменото јавно извинување.

Овие невистини, вели Бошкоски, ги изрекол врз основа на погрешни информации и податоци кои во изминатиов период му биле подметнати од определен круг на лица.
– Жалам за непријатностите што сум ги предизвикал со јавното изнесување невистини и навреди за Никола Груевски, вели Бошкоски во писмото.

OhridNews
Извор:,,Макфакс”