Фудбалскиот сојуз на Бугарија го суспендираше играчот на шампионот Лудогорец, Стивен Петков поради сомневање дека е замешан во аферата на местење на натпревари на младата репрезенатција за време на Европското првенство минатиот месец.
Петков (19) воопшто не играше на првенството, но Фудбалскиот сојуз на Бугарија пронашол докази дека активно учествувал во местењето. Лудогорец веднаш по суспензијата го раскина договорот со Петков.
Покрај Петков осомничени се уште двајца млади бугарски фудбалери-голманот на Локомотива од Софија, Даниел Гуаров и неговиот поранешен соиграч Григор Григоров.
Бугарија на У-19 првенството одржано во Унгарија ги загуби сите три меча во групата.
“макфакс“
