Една од најголемите светски јахти, долга 108 метри, сопственост на саудискиот милијардер Насер Ал Рашид, заринкала блиску до канското пристаниште, Франција. Луксузната јахта Лејди Моура удрила во подводен камен многу блиску до пристаништето на градот Кан, каде во моментов се одржува престижниот филмски фестивал.

Властите накратко ги затвориле двете најпознати ВИП хотелски плажи заради можна еколошка катастрофа. Сепак, реморкер брзо ја извлекол јахтата, а дупките на трупот биле „закрпени“.

Канските власти изјавиле декаистекле стотина литри гориво, но се било исчистено за неколку часа, па така 15.000 посетители на фестивалот можат да продолжат со уживање на плажите.

Рашид инаку е советник на саудиската кралска фамилија и големината на неговото богатство е службена тајна. Јахтата, која ја нарекол по својата жена, наводно ја платил преку 200 милиони долари.

(rts)

С.К.