Tриумфот на Македонија над Литванија е на листата на нај-кошаркарски моменти за 2011, во изборот на Европската кошаркарска федерација ФИБА Европа.

Под наслов „Чудото на Бо и другарите“, ФИБА Европа оваа победа ја смести меѓу оние 14 датуми по кои ќе остане запаметена кошаркарската 2011 на стариот континент.


“Бо Мекејлеб и неговите соиграчи од репрезентацијата на Македонија ја шокираа домашната Литванија и целиот свет со пласманот во полуфиналето на Евробаскетот 2011. Македонците подоцна ќе загубат од првакот Шпанија и од Русија во битка за третото место, па ќе останат четврти, но ништо не може да го помати фактот дека нивниот резултат е едно од најголемите спортски изненадувања на сите времиња“ стои во објаснувањето на ФИБА Европа.
Ohridnews