На 14тата Европска конференција по земјотресно инженерство што од 30-ти август до 3-ти септември се одржа во Охрид, во организација на Македонската асоцијација за земјотресно инженерство, професор Михаил Гаревски, директор на Институтот за земјотресно инженерство и инженерска сеизмологија, ИЗИИС-Скопје, и председател на Македонската асоцијација за земјотресно инженерство е едногласно избран за Председател на Европската асоцијација за земјотресно инженерство. Тој ја доби поддршката од делегатите на Генералното собрание на Европската асоцијација за земјотресно инженерство кое заседаваше на 2 септември исто така во Охрид.


Македонец на чело на Европската асоцијација за земјотресно инженерство

Професор Гаревски, кој во периодот 2006-2010 беше потпредседател на Европската асоцијација за земјотресно инженерство, званично ја презеде оваа највисока функција на 3 септември 2010 година и ќе ја врши во следните 4 години.

OhridNews