Во петокот во Крива Паланка, рабоните групи од министерствата за надворешни работи од земјава и Бугарија, зад затворени врати ги водеа разговорите за договорот за добрососедство.
По трите средби на работните групи, се уште не постои заклучок за тоа кои области ќе се разработат во документот кој треба да ја постави рамката на добрососедските односи меѓу двете држави. Според шефот на дипломатијата Никола Попоски, првичните резултати од разговорите ќе бидат обелоденати за неколку недели.
„Комуникацијата се однесува на сите оние домени за кои сме поднеле иницијатива, односно за оние кои сметаме дека можат да бидат пресретнати од страна на нашиот сосед. Во тој контекст има многу работи што можеме да ги реализираме независно договорот.“ – вели Попоски.
Инаку, двете земји ги започнааа разговорите околу новиот документ за добрососедство, откако бугарските власти го побара тоа преку писмо од бугарскиот шеф на дипломатијата Младенов. Следната средба помеѓу претставници на двете работни групи, ќе се одржи во соседна Бугарија.
OhridNews
