-Македонија се соочува со проблем на дефинирање на основниот пакет на здравствени услуги кои ги покрива Фондот за здравено осигурување, што е предуслов за воведување на дополнително здравствено осигурување, истакна Јанез Јелникар еден од директорите на Фондот за здравствено осигурување.
– Во Македонија се размислува за три варијанти. Едната е да се исклучат нездравствените услуги, втората е квантифицирање на здравствените услуги и третата е дефинирање на повеќе нивоа на здравствена заштита, објасни Пазарџиева Змејкова. Таа посочи дека Проектот треба да биде готов за околу 2 месеци по што ќе и биде доставен на Владата која треба да ги утврди следните чекори во реформата на системот за здравствено осигурување.
Сегашниот модел на здравствено осигурување според директорите на Фондот е неодржлив, бидејќи средствата со кој тој располага не се доволни да се покријат сите трошоци. Како пример тие ги посочија Хрватска и Словенија каде стапката на придонеси за здравствено осигурување е двојно повисока отколку во Македонија. Хрватскиот здравствен фонд има буџет од 3,7 милијарди евра, а словенечкиот 3 милијарди евра, додека македонскиот здравствен фонд има буџет од 300 милиони евра.
Според Сиксто Молина од Советот на Европа земјите од Балканот се соочуваат со слични проблеми, а како најголеми тој ги наведе здравстеното осигурување и пензиските фондови.
–Во овие тешки времиња на економска криза потребно е здравстените фондови да направат баланс и да го адаприраат системот да може и натаму да им помага на ранливите категории граѓани, истакна Молина
На дводневниот форум во Охрид учествуваат претставници на јавните фондови за здраветсвено осигурување од Албанија, Турција, Црна Гора, Босна и Херцеговина, Република Српска, Хрватска, Словенија, Унгарија, Литванија и од Македонија. Покрај размена на искуства, учесниците ќе се дискутираат за реформите во здравството и предизвиците со кои се соочуваат јавните фондови за здравстевно осугурување.
