– Работиме напорно со земјите од Западен Балкан и јас гледам просперитет до крајот на годината ако работата биде завршена Комисијата не само да даде нов кандидатски статус на некоја земја туку и да препорача почеток на преговори за членство во ЕУ. Една од тие земји може да биде Поранешната Југословенска Република Македонија. Таму имаа добри и успешни избори, изјави вчера на прес-конференција во Брисел еврокомесарот за проширување на Унијата Штефан Филе.
Тој посочи дека сега е моментот да се реши проблемот со името и изрази очекување дека Скопје и Атина ќе направат се и ќе постигнат договор со кој ќе се затвори прашањето кое се смета за клучно за отпочнување на пристапните преговори на Македонија со Европската унија.
Инаку, вчера, Европската комисија предложи до Советот на Европската унија да ги затвори последните четири поглавја во пристапните преговори со Хрватска, со што се отвора можност оваа земја да се приклучи во ЕУ како 28- ма држава членка од 1- ви јули 2013 година.
OhridNews
