Советот за општи работи (ГАК) вечерва ја заврши работата со заклучок да не и биде доделен датум за преговори на Република Македонија, иако Европската комисија(ЕК) во својот извештај по четврти пат побара отпочнување на преговорите за членство на земјата во Европската унија(ЕУ), пренесува „Макфакс“.
Советот, врз основа на извештајот што ќе биде презентиран од страна на ЕК идната пролет, ќе го испита спроведувањето на реформите во контекст на Пристапниот дијалог на високо ниво (ХЛАД), како и преземените чекори за промовирање на добрососедските односи и постигнување на компромисно и взаемно прифатливо решение за прашањето за името под покровителство на ОН, се вели во заклучокот на ГАК.
Понатаму се додава дека во оваа перспектива, Советот ќе го оцени извештајот во текот на следното претседателство со Унијата.
извор:„Макфакс“
