Македонската ракометна репрезентација ќе игра против селекцијата на Австрија во бараж мечот за пласман на СП 2013 година во Шпанија.
Вака беше одлучено на денешната ждрепка која се одржа во Белград во пресрет на мечевите за разврска за медалите на европскиот шампионат.
Двојки:
Литванија – Полска, Русија -Чешка, Словенија – Португалија, Словачка -Белорусија, Македонија – Австрија, Унгарија – Норвешка, Исланд – Холандија, Германија -БиХ, Шведска – Црна Гора.
Првите бараж средби ќе се играат на 9 и 10 јуни, а реваншите една недела подоцна.
Девет победници од овие баражи ќе им се придружат на веќе пласираните Франција (бранител на трофејот), Хрватска, Србија, Данска (полуфиналисти од ЕП) и Шпанија (домаќин) на Мундијалот (13-27 јануари 2013).
М.П.
