Поради планираното исклучување на електрична енергија, известување до корисниците од Охрид и од Македонски Телеком АД Скопје. Оттаму информираат дека поради исклучувањето на електрична енергија од страна на ЕВН и Мепсо на подрачјето на Охрид, за време на викендот можно е да се јават одредени прекини и во користењето на интернет и ИПТВ сервисите.
Затоа, Македонски Телеком апелира корисниците во Охрид да ја исклучат опремата во своите домови (рутер, модем, телевизиски апарат, компјутер) пред да почне интервенцијата на преносната електрична мрежа.
По завршувањето на интервенцијата од страна на ЕВН и Мепсо, корисниците на Македонски Телеком ќе можат да ја вклучат опремата и непречено да ги користат интернет и ИПТВ сервисите.
OhridNews
