На 9 февруари 2008 во Атина ќе се одржи 15-то Балканско првенство во атлетика во сала. Македонската репрезентација на првенството во Атина, ќе ја претставуваат следниве атлетичари:
– Далибор Спасовски , 60 м. и 400 м.
– Славчо Мирчевски, скок во далечина
– Васил Најдов, фрлање ѓуле
– Сашо Даневски, 1500 м.
– Енис Даутовски, 800 м.
Со репрезентативците заминува и тренерот Влатко Димитров, кој е шеф на стучниот штаб на репрезентацијата, како и Иван Цветкоски, член на Извршниот одбор на АФМ, кој ќе учествува во работата на конгресот на Асоцијацијата на Балканските Атлетски Федерации (АБАФ) кој ќе се одржи на 8 февруари.
Балканијадата е последниот натпревар за одредување кој атлетичар ќе ја претставува Македонија на 12-то Светското првенство во сала кое од 7 до 9 март ќе се одржи во Валенсија, Шпанија.
