За оваа цел , организаторите- претседателите на Конфедерацијата на слободни синдикати и на Бизнис конфедерацијата, обезбедија присуство на двајца германски експ ерти по оваа тематика “Управување со промените” -Себастијан Фројнд и Винфрид Швејн, кои презентирааа повќе методи и инструменти за управување со промените во една компанија .
Од страна на Винфрид Фројнд беше потенцирано дека Управувањето с о промените го иницираат и спроведуваат т.н. Движечки сили во една компанија кои имаат за цел да ги објаснат своите визии за промените и ефектите од промените и во тоа да ги убедат сите вработени, особено т.н . Сили на отпорот кои во почетокот се “смртни непријатели “на промените. Движечките сили мора да знаат не само ШТО , туку и КАКО да го спроведат замисленото; како да ги вклучат сите вработени во процесот на промените – за секој од вработените да се почувствува способен, но и корисен за фирмата и за нејзината посакувана перспектива. Мотивацијата на вработените како појдовна основа може и мора да биде движечка сила на промените .
Една од презентациите на семинарот беше и тоа како и со кои инструменти може поефикасно и полесно да се дојде до промените.
-Управувањето со промените зависи од визионерството на директорите, на лидерите и на менаџерите.Во овие рамки , според германските истражувања во “Мерцедес” и други компазнии, само 16 % од директорите се визионери , а дури 84 % се само чувари на спроведувањето на целите .И затоа е потребно да се биде вистински лидер и менаџер – визионер – подготвен за промените и да се преземат одговорностите за целите од управувањето со промените .Ако лидерот на компанијата не работи на промените и ако не ги поддржува позитивните движечки сили на промените, тогаш нема да имаме успешни промени. – истакна германскиот експерт Винфред Швејн.
Последниот излагач на семинарот беше советникот за развој на кариера, проф. Жаклина Гештакоска – Алексиева,која истакна дека мора да се победи стравот при преземањето на обврските и одлуките за промени.Оттука , рече таа, треба раководството на компанијата да ги вклучи сите вработени во донесувањето на одлуката за промени за секој од нив да се вложи во промените , да се грижи за својот влог и да очекува подобри денови и за себе и за заедницата.
Учесниците на семинарот успешно реализираа две работилници при што со своите искуства и визии за промените,дадоа придонес во одличната реализација на семинарот, чии позитивни искуства ќе бидат од особена корист за раководењето и менаџирањето со промените во македонските компании и установи, чии претставници ќе знаат како да ги имплементираат стекнатите знаења .
Дим Дон
