Тренерот на Галатасарај, Фатих Терим, од страна на Дисциплинската комисија на Фудбалскиот сојуз на Турција доби суспензија од девет натпревари, а дополнително е казнет и парично со 21 илјади евра. “Императорот“ е санкциониран поради своето однесување кон главниот судија Сулејман Абај на натпреварот од 28-то коло во турското првенство меѓу Галатасарај и Мерсин.
Покрај 59-годишниот тренер, суспензија на два, односно еден натпревар, добија и неговите помошници Хасан Саш и Умит Давала, кои исто така вербално го навредувале главниот судија. Галатасарај веднаш ја обжали одлуката, а во отсуство на Терим, екипата на следниот натпревар против Кардемир Карабук најверојатно ќе ја предводи тренерот на резервниот тим Дујгу Ердоган.
“макфакс“
