Околу 70 – тина пливачи го брануваа Охридското Езеро по 31 пат за големиот национален празник Илинден.  Прекрасно беше чувството да се биде дел од манифестацијата на езерската шир каде бројните кајчиња  ги потсетија охриѓани и туристите дека има манифестации на кои може да се гордеат.


На целта на градското пристаништето лебдеше неизвесноста но и желбата да се биде подобар и побрз од својот противник, а пристигнувањето на секој натпреварувач беше проследено со аплаузи од сите страни.


Сепак само еден можеше да биде најдобар и да се запише во победничката книга. Оваа година тоа беше Марко Блажески во машка , а Симона Маринова во женска конкуренција.

Честа на охриѓани ја спасуваше 45 годишниот Влатко Јолакоски  кој во последен момент се пријави за Илинденскиот куп.

Најдобри во категоријата под 16 години беа Александар Дамчески во машка и Ели Секуловска во женска конкуренција.


Најдобри “под 16“ – Секуловска, Иванова и Барамачева


Најдобри во машка конкуреција под 16 – Јанкуловски, Дамчески  и Стефаноски 


Најдобри во женска конкуренција – Блажевска, Маринова  и Богоева


Најдобри кај машките – Илиевски, Блажески и Чепишевски


Победниците за 2010 – Маринова и Блажески

Техничкиот организатор ПК “Охридски Бранови 2008“ му се заблагодари на Советот на општина Охрид за покровителството на Илинденскиот Куп.


Благодарницата ја прими претседателот на советот – Душко Јаковчески

М.Постоловски