Малите етнички заедници во Република Македонија кои не се вметнати во Уставот се целосно исклучени од јавниот живот и им се заканува асимилација, предупредија претставниците на Сојузот на Балкански Египќани, Здружението на Египќани во Република Македонија и Мрежата за мултикултурно општество на заедничкате прес конференција што вчера се одржа во Охрид. Тие посочија дека јавноста се дофокусира околу носењето на Законот за дискриминација, за да се прикрие проблемот со малите етнички заедници, на што спорд нив забелешки има и Европа.
– И покрај тоа што извештаите на Европската комисија укажуваат дека најдискриминирани се етничките малцинства и заедници, јавноста се дефокусира од нашиот проблем кон луѓето со различна сексуална ориентација, рече претседателот на Сојузот на Балкански Египќани, Рубин Земон.
На средбата со новинарите стана збор и за проблемот со евиденција на припадниците на помалите заедници во институциите, при што се изрази очекување дека на наредниот попис тие соодветно ќе бидат евидентирани со што ќе се спречи нивна асимилација.
OhridNews
