Марјан Стојкоски-Манта се повлече од функцијата технички директор на фудбалскиот прволигаш 11 Октомври. Одлуката е една недела по суспензијата на теренот во Прилеп од шест меча и откако ФФМ поведе дисциплинска постапка против четворица од Управниот Одбор.
–
Привремено се повлекувам од сите активности во клубот. Наредните денови ќе излезам пред јавноста и детално ќе образложам – вели Стојкоски.
Популарниот Манта остави длабок белег во прилепскиот фудбал, долги години беше фудбалер на поранешниот првак Победа, а има и неколку настапи за македонската фудбалска репрезентација.
По активното завршување на фудбалската кариера, беше спортски директор на Победа, а во последните три години ја извршуваше оваа функција во 11 Октомври.
Ohridnews
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com