Легендата на аргентинскиот и свтскиот фудбал Диего Армандо Марадона, сонува еден ден да се врати во екипата на Наполи, како тренер. Како што пренесува “Goal.com” Марадона во разговор со поранешниот соиграч Бруно Џордано, му признал дека сака да се врати во тимот каде ги доживеа ѕвездените моменти во фудбалската кариера.
– Марадона сонува да се врати во Наполи. Тој во меѓувреме стана одличен тренер и навистина заслужува шанса да води топ тим во Европа. Диего е тренер кој минува и по пет до шест саати на теренот и се грижи за секој детаљ. Тој го следи мечевите на Наполи и негов омилен фудбалер е Лавеци – рече Џордано (55) за италијанските медиуми.
“Волшебникот“ Марадона во дресот на “азурите“ настапуваше седум сезони. Во 188 натпревари постигна 81 погодок и му помогна на Наполи да стигне до титулата во “калчо лигата“ во 1987 година.
Неприкосновениот фудбалер Марадона, смета дека има доволно искуство за до превземе кормилотo на Наполи. На минатато Светско првенство во Јужна Африка “Човекот со божјата рака“ ја предводеше Аргентина до 1/4 финалето, а моментално е тренер на екипата Ал Васл.
Дали македонскиот репрезентативец Горан Пандев ќе соработува со најдобриот фудбалер на сите времиња ќе каже времето но и резултатите на акутелниот тренер Валтер Мацари.
Мх.П.
