Со 1-0 предност ќе влезат кичевци во реванш мечот од четвртфиналето од националниот куп против штипска Брегалница.

Стратегот на Напредок, охриѓанецот Драган Бочески, посакува повторување на 2004 година кога Напредок играше во големото финале каде беше поразен од Слога Ј со 1-0, благодарение на голот на Беќири.

– Нема играч или тренер кој не сака да игра во едно финале. Во мечот ќе влеземе како да е 0-0 – рече Бочески.

Десетката на Напредок, Ристе Маркоски е оптимист во пресрет на реваншот против Брегалница на “Градскиот стадион“. По триумфот над Работнички во последното коло со 2-0,  вратена е победничката атмосфера во таборот на “ѓаолите“


– Фокусирани сме на натпреварот со Брегалница. Добро ја познаваме нивната игра и очекувам да ги искористиме нивните слабости – вели Маркоски кој два пати сезонава ја затресе мрежата на “фалангата“.

OhridNews