Во рамки на програмата на Академијата за добро управување, во Охрид започна Меѓународен семинар за планирање на развојот на единиците на локалната самоуправа и управување со општинскиот имот. На почетокот на семинарот се обрати градоначалникот Јован Стојаноски кој истакна дека станува збор за исклучително важен семинар,кој ги третира темите за успешен развој на единиците на локалната самоуправа.
– Развојот на општините, како примарни единици на непосредно остварување и практикување на демократските права на граѓаните, е од исклучително значење за поширокиот развој на заедницата. Во таа насока, обмисленото и одржливо планирање е цондитион сине љуа нон за општините, не само за секојдневното функционирање на општината и успешно сервисирање на граѓаните, туку и поглед кон иднината и одговорност за генерациите кои доаѓаат после нас, рече градоначалникот Стојаноски.
Семинарот е поддржан и организиран од германската политичка фондација Ханс Зајдел со седиште во Минхен, Баварија, бугарската асоцијација на општинските службеници од Софија и од меѓународната фондација Балкан Нет со седиште во Скопје.
Во текот на дводневниот семинар учесниците и предавачите од Бугарија и Македонија ќе разменат искуства и практики на темата „Стопанисување со општинскиот имот“ и ќе бидат презентирани примери за добро управување на локалната власт.
OhridNews
