Екстра засилувањето Американецот Бо Мек Кејлеб од клупата го одгледа мечот на неговата нова “татковина“ против Катар. Своето деби во националниот тим ќе го има на 2 август во Јужни против Украина.
– Ќе ми преставува огромна чест и задоволство да играм за Македонија, и поласкан сум што ме одбраа мене да играм за националнатата репрезентација. Ќе дадам се од себе да ги поминеме квалификациите и да се пласираме на завршницата на Европското првенство – рече Мек Кејлеб кој напомена дека од националниот тим ги знае Грин и Самарџиски и дека во кошарката се е можно.
По феноменалната сезона со белградски Партизан во која триумифраа во Јадранската лига и српското првенство, и беа дел од фајнл фор турнирот во евролигата Мек Кејлеб се одлучи за преселба во Италија, во Сиена каде според договорот треба да остане во наредните три години.
М.П.
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com