Вкупно 1 012 800 денари беа донирани од страна на Државната лотарија на Македонија и Медиа принт, кои се наменети за 41 народна кујна ширум земјава. 3376 вредносни ваучери како прехранбени производи од „Тинекс“, ќе можат да ги користат 3.893 социјални загрозени лица, кои секојдневно добиваат оброк во овие објекти.

Народните кујни во земјава, функционираат неколку години наназад преку проекти финансирани од државата. Министерот за труд и социјална политика, Спиро Ристовски, изрази задоволство од ваквата помош на компаниите.  „Апелирам до сите кои можат да помогнат, да го сторат тоа,  бидејќи само така можеме да се бориме против сиромаштијата и гладот. Во земјава има граѓани на кои им е потребна грижа за да им се обезбеди топол оброк. Проектот за народните кујни се имплементира веќе шеста година по ред, а ќе продолжи да функционира и во наредните години. “ – изјави Ристовски.

Инаку, до крајот на годината се предвидува отворање на уште една народна кујна, а за 2013-та предвидени се уште четири нови. Социјално загрозените лица од понеделник до петок, во рамките на овие објекти добиваат топол оброк, а за викендите им се даваат пакети со ладни оброци.

OhridNews