Едриличарките од клубот „Акватика Јахтинг“-Охрид Софија Ставрева, Евгенија Ставрева и Илина Гаџовска и едриличарките од клубот „Снегар“-Струга, Андреа Кавај и Андреа Чуркоска се стекнаа со лиценци за млади тренери (девојки) во класата Оптимист.

Тие успшено ја завршија тридневната обука која се одржа во Голубац, Србија во организација на ЈСС и IODA (International Optimist Dinghy Association) преку Optimus Coach Development Clinic под водство на инструкторот Драган Гашиќ наменета за младите едриличари од Македонија, Србија и Црна Гора.

​Овој настан е одличен пример за регионална соработка помеѓу Србија, Македонија и Црна Гора. Веруваме дека инвестирањето во знаењето на нашите кадри е директна инвестиција во успехот на нашите млади едриличари, велат од Едриличарската Федерација на Македонија.

OhridNews