Младите музичари од проектот “Blind date“ ќе се претстават на Охридско лето

Во рамки на Фестивалот Охридско лето, на сцената на Долни Сарај, вечерва со почеток во 20 часот, пред интернационалната публика ќе се претстават учесниците на музичката работилница “Blind date“, која од 29-ти јули до 12-ти август годинава се одржува во Охрид.

Концертот е резултат на 14 дневното дружење и работа на две групи музучари: млади композитори на современа електроaкустична музика (студенти по музичка технологија) од Холандија и млади композитори и музичари, изведувачи на акустични и традиционални инструменти од Македонија. Работилницата е иницијатива на композиторот Катерина Пејоска, професор по композиција на Факултетот по музичка технологија во Утрехт, Холандија. Организатори се Фондацијата Зои (Zoey Foundation for Arts and Culture) од Холандија и Културна лабораторија од Скопје, а во соработка со Јавна соба од Скопје и Фестивалот Охридско лето.

Проектот е во рамки на соработката помеѓу Република Македонија и Кралството Холандија на полето на музичката технологија.