Учениците од средното економско училиште “Свети Климент Охридски”, денеска, ќе го презентираат проектот насловен “Како да успееме”, кој тие го реализираа под менторство на професорката Весна Карамитре.
Целта на проектот беше учениците да соработуваат со претприемачите кои преставуваат нивни идоли во светот на бизнисот и прептриемништвото. Проектот беше реализиран со отворена средба на учениците со претприемачите,со цел да ја дознаат нивната бизнис приказна, да изготват есеј за неа, а воедно секој изготвуваше и мал сертификат за својот идол, како знак на благодарност за соработката.
На денот на настанот ќе бидат презентирани бизнис приказните од страна на учениците и ќе им бидат врачени сертификатите на претприемачите.
Промоцијата ќе се одржи во 18:00 часот,во националната установа Центар за култура “Григор Прличев” -Охрид.
