Министерството за надворешни работи издаде препорака, според која, македонските државјани треба да избегнуваат да патуваат во Атина и останатите поголеми грчки градови, поради немирите предизвикани по протестите против новите владини мерки за штедење, пренесува „Макфакс“.

Од МНР се препорачува да се избегнува и присуство на јавни собири.

Во препораката се посочува дека на сите македонски граѓани на располагање за информации им стојат Канцеларијата за врски во Атина и конзулатот во Солун.

На граѓаните им се препорачува навреме да се информираат за проодноста на патиштата и евентуалните блокади, како и за функционирањето на јавниот превоз и здравствените установи.

OhridNews
извор: „Макфакс“