Модриќ и Салах го напаѓаат тронот на Роналдо

Хрватскиот репрезентативец Лука Модриќ, членот на Ливерпул Мо Салах и голгетерот на Португалија Кристијано Роналдо се финалните кандидати за наградата најдобар играч на Европа која ја доделува УЕФА.

Модриќ и Салах ќе го напаѓаат тронот на Роналдо кој минатата година ја доби престижната наградата за најдобар фудбалер. Португалецот е неприкосновен кога се работи за индивидуални награди, но годинава има сериозна конкуренција во имињата на Модриќ и Салах.

Роналдо беше моторот на Реал Мадрид во освојувањето на третата титула по ред во ЛШ, но Модриќ беше мозокот на тимот, додека во Ливерпул се` се вртеше околу Салах.

УЕФА добидникот на наградата ќе го прогласи на 30 август кога ќе биде одржана ждрепката за фазата по групи во Лигата на Шампиони.

OhridNews