Сојузот на училишен спорт и градот Охрид беа домаќини на осмите по ред средношколски спортски игри. „Гимназијадата“ во Охрид ги донесе сите македонски спортски вредности во голем и мал фудбал, атлетика, кошарка, ракомет и одбојка, но главен акцент беше ставено на дружењето.
– Дружењето меѓу дечињата е најбитно и најважно. На овие манифестации тоа е и суштинската цел бидејќи ќе си отварат нови пријателства и нови хоризонти – рече амбасадорот на игрите, Наумче Мојсоски.
На организациски план охриѓани добиваат само пофални зборови, а натпреварите во трите дена и другото минаа без ниту една забелешка.
– Организицијата беше на феномонално ниво и се ме потсетуваше на Олимпијада, а не, на игри каде се натпреваруваат средношколци. Организаторите внимавале на секој детал и затоа имаше полни трибини, добри натпревари и многу радост кај учесниците – рече Мојсоски.
И Мојсоски е биден дел од игри со ваков карактер и тоа пред повеќе од 15 години.
– Сигурно се поминати 15 години. Домаќин беше Велес, а таму моето училиште победи во ракомет. Голем дел од сегашните ракометари биле дел од тоа натпреварување. Овие манифестации мора да се негуваат и целосно поддржуваат бидејќи нема успешен спортист во Македонија кој не поминал низ овие игри – се присети Мојсоски.
Пред очите на капитенот на Металург и член на македонската репрезентација учесниците на „Гимназијадата“ ги покажуваа своите вештини, а покрај тоа Мојсоски беше вистинско изненадување за сите присутни.
Мх.П.
