Најуспешниот македонски мотоциклист и двократен балкански првак и шампион на Источна Европа за 2009 година, битолчанецот Христијан Илиоски се здоби со тешка повреда на десната нога, откако по висинското спуштање со моторот на земја ја скрши бутната коска.

По падот на  ридската патека во грчката месност Каритас близу Солун,тој бил префрлен во една солунска болница, каде што домашните лекари ги презеле сите активности за санирање на повредата.

Од фамилијата на Христијан одлучиле хируршката интервенција да биде извршена во болницата за  трауматологија и ортопедија “Свети Еразмо” во Охрид.

– Повредата доаѓа во најнезгоден момент, бидејќи Христијан, по неколкудневни тренинзи во Грција, кон средината на месецот требаше да замине на подготовки во Италија и да се вклучи во кампот на познатите фирми Мартини, Хонда и Синод, пред неговото учество на претстојното Европско првенство во мотоциклизам, а потоа и на Светското – велат за “Вест“ од неговата фамилија.

Ohridnews