Охридската локална самоуправа ја поздрави инциијативата на Ракометната федерација на Макезонија за организацијата на уште едно големо ракометно натпреварување, ЕП во ракомет на песок во 2013 година. Охриѓани се подготвени да седнат на заедничка маса и да ги разгледаат можните солуции за одржување на континеталниот собир.
–Сметаме дека е потребно претставници на Ракометната Федерација на Македонија треба подетално да не’ информираат за нивните намери за да можеме заеднички да се договориме за видот на поддршката на општина Охрид – велат до локалната самоуправа.Македонија беше домаќин на три светски младински првенства во ракомет и сениорското ЕП за жени, а според плановите на РФМ нивна желба е да се пријават за организација на ЕП во ракомет на песок во 2013 година во јуни.
– Ќе побараме од градоначалниците на Охрид и на Струга да се изјаснат дали се заинтересирани за ваков настан, но и да помогнат во организацијата. Досега РФМ секогаш сам организираше и се мачеше да ги обезбеди сите услови. Овој пат градовите ако сакаат да помогнат ќе има и првенство, што би значело најмалку илјада дополнителни туристи во период од десетина дена во Македонија – вели Марјан Начевски, генералниот секретар на РФМ.
Според него, за одржување ваков настан потребно е да се изгради „главен терен“ со монтажни трибини за околу 2.000 гледачи, и неколку споредни со помали трибини за 100-200 гледачи.
М.П.
