Лидерот на табелата Челси го продолжи походот кон титула во Премиер лигата победувајќи ја Астон Вила со 2-1. Херој на „сините“ беше Бранислав Ивановиќ, кој го постигна победничкиот погодок.
– Мислам дека Ивановиќ е најдобриот трансфер во историјата на Челси. Тој дојде во клубот откако јас заминав. Има големо срце, храбар и сака да се натпреварува. – рече португалскиот стратег Жозе Мурињо.
Српскиот фудбалер во 66-та минута од далечина ја погоди мрежата на домаќините и донесе значајни три бодови за екипата.
– Секој напаѓач на светот би бил горд да постигне таков погодок каков што постигна Ивановиќ. Тој е неверојатен се повреди против Ливерпул и го одигра целиот натпревар, а веднаш потоа и со Манчестер Сити. – потенцираше Мурињо.
Ивановиќ на Стемфрод Бриџ пристигна во 2008 година од тимот на Локомотив Москва, а претходно настапуваше во ОФК Београд и Срем.
Мх.П.
