На овогодинешното јубилејно 20-то издание на Охрид Фест, се очекува спектакуларниот музички камбек на легендарната македонска музичка група Македонија, чија слава во седумдесетите години се распосла и до најоддалечените делови од поранешна Југославија.
Нивните песни „На пуст остров“ ,„Има една мома“, „Ѕ’ма,ѕ’ма,ѕм“, „Есенска роза“,„Око мое зелено“, се уште одѕвонуваат кај постарите генерации.
Магијата на повторното раѓање на женскиот дел од „Група Македонија“ ќе се случи на Интернационалната вечер на Охрид фест, на 24-ти август, а Верица Ристевска, Даниела ПанчетовиЌ и Зорица Попанкова повторно ќе настапат заедно.
Насловот на нивната нова песна е „Песната е ангелот“, а како композитор се јавува Григор Копров, додека текстот е на Миодраг Врчаковски.
OhridNews
