Министерството за внатрешни работи апелира до граѓаните на Република Македонија пред патувањето заради годишните одмори, да ја проверат важноста на биометриската патна исправа издадена согласно проектот „Нови лични документи“. Од МВР информираат дека голем е бројот на вратени патници од граничните премини кои на излез покажуваат истечена патна исправа, издадена во периодот од април 2007 година до сега.
– На лицата на кои согласно возраста по Законот за патни исправи на државјаните на Република Македонија им се издаваат пасоши во траење од 5 години, токму биометриските патни исправи издадени во периодот од април 2007 година до сега, веќе се неважечки, потенцираат од МВР.
Од министерството со апел до граѓаните задолжително да се проверува рокот на важноста на патната исправа кај децата на кои согласно законот таа им се издава со рок на важност од две години.
OhridNews
