Најмногу дожд во изминатото деноноќие наврна во Охрид 24 литри на метар квадратен, во Крива Паланка 17, во Берово и Круешево по 13 и во Тетово 10 литри, соопшти УХМР.
Времето денеска претпладне ќе биде сончево со мала до умерена облачност, попладне ќе биде нестабилно со локален пороен дожд, грмежи и засилен ветер. Наместа ќе има поинтензивни процеси во форма на краткотрајно невреме со силен ветер и услови за изолирана појава на град. Минималната температура ќе биде во интервал од 9 до 15, а максималната ќе достигне од 22 до 28 степени.
Во Охрид времето денес претпладне сончево со мала до умерена облачност, попладне ќе биде нестабилно со пороен дожд. Минималната температура ќе се спушти до 12, а максималната ќе достигне до 22 степени.
Под влијание на влажна и нестабилна воздушна маса и во следните денови во претпладневните часови ќе се задржи сончево време со мала до умерена облачност, а во попладневните променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на краткотрајно невреме со интензивен дожд, силен ветер, електрични празнења и појава на град.
OhridNews
