Во 2025 година, Меѓународниот аеродром Скопje и аеродромот Св. Апостол Павле Охрид, управувани од ТАВ Аеродроми, заедно опслужија 3,5 милиони патници, што претставува зголемување од 9% на годишно ниво, додека беа опслужени 26.500 летови (+4% во споредба со 2024 година).
Овој раст, посочуваат од ТАВ Македонија, го одразува влијанието на стратешките инвестиции во инфраструктурата, оперативната ефикасност и развојот на мрежата, како и силните партнерства со авиокомпаниите партнери.
Додаваат дека само во декември е забележано зголемување од 25% на патничкиот сообраќај, потврдувајќи ја континуираната побарувачка и стабилните перформанси во текот на целата година.
Успехот што го постигнавме во 2025 година е резултат на јасна стратешка насока, фокусирани инвестиции и силни партнерства, вели Неџат Курт, генерален директор на ТАВ Македонија.
Меѓународниот аеродром Скопје сега поврзува 49 дестинации со 15 авиокомпании, додека аеродромот во Охрид продолжува да расте како клучна туристичка порта, опслужувајќи 7 дестинации со 3 авиокомпании.
Планирано е натамошно проширување на мрежата со воведување нови авиолинии до Неапол, Будимпешта, Милано, Виена, Вроцлав и Катовице. Овие резултати ја зајакнуваат позицијата на македонските аеродроми како безбедни, конкурентни и брзорастечки регионални воздухопловни центри, додаваат од ТАВ Македонија.
OhridNews
