Долж улицата „Јане Сандански“ во Охрид, почнувајќи од крајбрежјето па се до кружниот тек во населбата Влашка Мала, од секој втор електричен столб за осветлување висат отворени кабли. Од овие објекти, секојдневно се крадат заштитните метални капаци кои најверојатно завршуваат во нелегалните откупни центри за старо железо.
внимавајте, висок напок
Дел од граѓаните со цел да ги заштитат децата и домашните миленици, импровизираат со поставување на дрвени или пластични капаци, кои не се мета на крадците на железо. Овие кабли се под висок електричен напон, кои можат да предизвикаат катастрофални последици кај луѓето и животните.
граѓаните импровизираат да се заштитат од можен струен удар
Овие слики за градот не се новост. Изминативе години, охриѓани се сведоци на голем број украдени метални капаци за шахти, кои во централното градско подрачје беа мета на крадците на железо и бакар.
О.Т
