Туристичките водичи од градот реагираат на воведувањето наплата на влез во црквата Св. Климент и Св. Пантелејмон на Плаошник. Од викендов за влез таму се плаќа 100 денари.
-Никаде не се наплаќа влез во жива црква, освен ако не се работи за заштитен споменик на културата или доколку во неа има вредни музејски експонати, реагираат туристичките водичи.
Инаку на Плаошник во тек се градежни работи за возобновување на Св. Климентовиот универзитет.
Туристичките водичи посочуват дека наплатата на влез на Плаошник им предизвикува непријатности, затоа што е воведена без најава кога туристичката сезона е веќе почната.
-При купување на аранжманите странските туристи не беа информирани дека треба да издвојат дополнителни средства за влез во овој објект, кој е дел од програмата за посета на културно историски знаменитости за време на нивниот престој во Македонија, поради што тие со право реагираат, додаваат туристичките работници. Тие додаваат дека доколку се планирало воведување на наплата на Плаошник, тоа требало да се направи по завршување на минатогодишната сезона, за таквата промена да биде навремено вметната во аранжманите за оваа година.
Инаку, во Охрид не е новина наплатата во цркви. Со години влез се наплаќа во катедралната црква Св. Софија, Св. Јован Канео, Св. Богородица Перивлепта…
