Во време кога интернетот е број еден средство за комуникација, нашите институции и јавни претпријатија мака мачат да се прилагодат на современите текови. Некои од нив имаат веб страници, но не ги ажурираат, други пак тешко комуницираат онлајн иако имаат наведено контакт адреса за односи со јавност.
Деновиве нашата редакција се обиде електронски да искомуницира со МЈП „Проаква“ и да добие информација поврзана со дејноста на фирмата, но неуспешно. И покрај уредно испратениот e-mail на посочената адреса на сервисот за односи со јавност на веб страницата на „Проаква“, одговор на прашањата не добивме. Веќе кога нудат форма за комуникација преку интернет, добро е јавните претријатија да бидат поажурни и да одговараат на испратените мејлови. Во спротивно медиумите треба да бидат известени како можат да ги добијат потребните информации од јавен интерес.

OhridNews