Традиционално, во рамки на одбележувањето на големиот христијански празник Богојавление- Водици, градоначалникот Никола Бакрачески во сабота со почеток во 18 часот во куќата на Уранија свечено ќе ја додели Светската награда за хуманизам на годинешниот добитник, познатиот академски сликар Светлин Русев од Бугарија.
Признанието на добитникот ќе му биде врачено во присуство на Претседателот на МАНУ, Владо Камбовски. Следниот ден на 19-ти јануари, добитникот Светлин Русев ќе присуствува и на свечениот настан на фрлање на крстот во водите на Охридското Езеро.
Русев како добитник на наградата беше одбран од страна на седум членото интернационално жири, предводено од Претседателот на Охридската Академија на Хуманизмот, Јордан Плевнеш.
OhridNews
