Најџел Кенеди ја воодушеви публиката во предворјето на Света Софија

Публиката со бурни и долги аплаузи го испрати од сцена најпродаваниот светски виолинист, Најџел Кенеди, кој синоќа во предвоорјето на црквата Света Софија и приреди двочасовното уживање. Екстравагантниот Кенеди во првиот дел од концертот изведе дела од Бах, додека пак во вториот дел од американскиот џез музичар Фатс Волер.

Публиката, меѓу која се наоѓаше и претседателот на Македонија, Ѓорѓе Иванов,  ја воодушеви со својата музика, но и спонтаноста во комуникацијата со неа.

На крај од концертот Кенеди не изостави да изведе и музика од нашето поднебје, при што публиката имаше можност да ја чуе изведбата на познатата македонска песна Јовано Јованке.

Најџел Кенеди  зад себе има исклучително успешна 25-годишна кариера во која настапувал со најдобрите светски оркестри и диригенти, како и на бројни јавни и приватни концерти. Неговата студиска изведба на „Четирите годишни времиња“ од Вивалди е внесена во Гинисовата книга на рекорди со продадени над два милиони примероци.