Автомобилчиња, вовчиња, банџи, други реквизити и урбана опрема ќе бидат распослани по градскиот кеј и оваа година. Со затоплување на времето и првиот очекуван поголем бран гости за Велигденските празници сликата во центарот иста од минатите години. Се монтираат реквизитите и другата урбана опрема на коловозот покрај ново-уредените парковски површини, за што јавното комунално претпријатие инвестираше 1,1 милиони денари.
Комуналец има сериозни забелешки на начинот на кој се поставува урбаната опрема во центарот на градот и најавува дека ќе ги преземе сите законски мерки да ги заштити уредените парковски површини.
Локалната самоуправа со години најавува дека ќе воспостави ред во поставувањето на урбаната опрема, а советот редовно секоја година носи правилници кои ја уредуваат оваа проблематика, но и покрај тоа сликата во центарот на Охрид не се менува.
OhridNews
