Новинарски екипи на Алфа телевизија и Канал 5 биле нападнати од сопственик на објект во скопско Визбегово, кој бил диво приклучен во мрежата на ЕВН, пренесува „Макфакс“.
Инцидентот се случил во време кога се вршел претрес на магацини во присуство на полицијата. Во моментот на нападот екипата на ТВ Алфа била надвор од објектот и сé уште не почнала да снима кога на јавниот простор била нападната од сопственикот кој од снимателот на ТВ Алфа ја грабнал камерата и ја искршил.
Полицијата го привела и против него ќе биде поднесена кривична пријава за сторено дело „самовластие“. На местото на инцидентот била и новинарска екипа на Канал 5, на која и било забрането снимање и на која сопственикот на објектот исто така и се заканувал.
Екипите биле на терен заедно со тим на ЕВН со цел да и се покаже на јавноста дека сериозни проблеми во снабдувањето со струја предизвикуваат диво приклучените корисници.
OhridNews
