Согласно информациите од УХМР, дека во текот на утрешниот ден, четири региони во земјава- скопскиот, струмичкиот, пелагонискиот и охридскиот ќе влезат во портокалова фаза, при што состојбата на Топлотен бран почнува да важи на целата територија на Републиката, Владата на Република Македонија на денешната седница одлучи државните органи и јавните претпријатија и установи од утре да го организираат своето работно време од 7 до 15 часот. Во исто време Владата препорачува приватниот сектор, исто така да го организира работното време од 7 до 15 часот.
Оваа мерка засега предвидено е да трае седум дена. Владата и натаму апелира да се почитуваат досегашните мерки за заштита од топлотниот бран.
OhridNews
