Со претставата „Последната ноќ“ од Ингмар Вилквист, во сабота, 28-ми октомври, во Охрид гостува битолскиот Народен театар. Режисер на претставата е Андреј Цветановски, играат: Марјан Ѓорѓиевски и Соња Михајлова.

Оваа претстава е обид да се покаже што прави надворешниот свет врз домот на едно семејство, како домот се растура под стегите на тоа што се случува надвор. Една фамилијарна приказна која е фантастично напишана и иако е драма за двајца, сепак зборува за историјата на човештвото, едно парче живот во кој се случуваат големи потреси во надворешниот свет, а со тоа и во нивниот изолиран внатрешен свет. Психолошка драма, која ги напаѓа сите сетила и емоции. Нешто што ги разрушува и уништува сите тие работи што семејството ги гради. Приказна што зборува за поинакво семејство, понижувано смејство, кое успева до таа ноќ да го одржи својот мал, но значаен свет – вели режисерот Цветановски.

Картите по цена од 150 денари се веќе пуштени на билетарата на охридскиот театар. Почеток 20.00 часот.

OhridNews