Народниот правобранител на Македонија Иџет Мемети,денес, е најавено дека ќе го посети притворениот новинар на весникот „Нова Македонија“, Томислав Кежаровски кој е осуден на четири и пол години затворска казна за откривање на идентитет на заштитен сведок.
Мемети треба да види во какви услови во притвор престојува Кежаровски во притворот во Шутка. Тој вети дека ќе направи се што е во негова надлежност условите во притворот да се подобрат како за Кежаровски, така и за другите затвореници.
Посетата се реализира на барање на претседателот на Здружението на новинарите на Македонија, Насер Селмани, но и на сопругата на Кежаровски, Марина Кежаровска.
Таа изјави дека условите во притвор се многу лоши, Кежаровски живее во влага и кал, а и самиот новинар плачејќи ја молеше судијката да го ослободи од притвор, бидејќи како што рече, условите се неиздржливи.
OhridNews
извор:Макфакс
