Настапот на МКУД „Јане Сандански“ дел од неколкудневната турнеја во Македонија

Членови на Македонското културно-уметничко друштво “Јане Сандански” кое веќе 30 години постои и работи во Мелбурн , Австралија, деновиве , во  рамките на прославата на јубилејот,за првпат отпатува во Пиринска Македонија каде со достоинство и со почит се поклонија пред гробот на својот патрон,војводата  и великан, македонскиот револуционер Јане Сандански чие име со гордост го носат  низ сиве овие години на постоење.

Членовите  на  МКУД “Јане Сандански” под водство на познатиот македонски иселеник , историчар и културен дееец , м-р Ицо Најдовски – Перин, беа пречекани од Македонци од  тој дел, како и од претставниците на ОМО Илинден – Пирин, при што заеднички со раководните луѓе на единствената македонска политичка партија во Бугарија, се поклонија  пред  паметникот на Царот Пирински, положија свежо цвеќе и му оддадоа достојна почит.

На  двонеделната агенда на МКУД “Јане Сандански” беа и гостувањата и настапи  во Вевчани, Демир Хисар, Скопско лето, Берово, Ресен, Битола.

Вечерва, играорците ќе настапат на платото пред центарот за култура’”Григор Прличев” – во Охрид, а во рамките на фестивалот “ Охридско лето “.