По неуспешниот излет во Сирија, охриѓанецот Климе Настоски се врати во тимот на Металург каде ќе остане до крајот не сезоната.
– Климе Настоски беше тука ние ги снимивме неговите квалитети, тој е добар играч и сигурно ќе биде засилување за нашиот тим и очекувам во првенството да му помогне на тимот- рече стратегот на Металург, Жикица Тасески.
Настоски кој жали за неостварениот трансфер вели дека во иднина ќе се концентрира на настапите во зелениот дрес.
– Не се комплетираше документацијата, не ми пристигна сертификатот и не можев да го остварам трансферот во Сирија со што заврши преодниот рок таму. Металург пред себе постави високи цели, наша цел ќе биде да го нападнеме првото место во лигата и нормално да се обидеме да стигнеме до трофејот во националниот куп- вели Настоски.
Мх.П.
